Михаил Николаев: “Ийэм курдук саныыбын үөрэммит  оскуолабын”

Бүгүн биhиги ытык, күндү-мааны киhибит Михаил Ефимович НИКОЛАЕВ тѳрѳѳбүт күнэ!

Картинки по запросу михаил ефимович николаев

Биhиэхэ Михаил Ефимович оскуолабыт выпускнига эрэ буолбатах. Кини хас биирдиибитигэр – УЧУУТАЛ.

Бу да сырыыга сэтинньи 10 күнүгэр оскуолабыт выпускниктарын кытта кѳрсүhүүгэ кэлэ сылдьан, элбэххэ үѳрэттэ.

 

Кинини кытта “OTL’ичная газета» кэриспэндиэнэ Сарыалла Попова кэпсэттэ.

  • О5олор фондаҕа кыттыһыахпытын баҕарабыт. Ону школа эрдэхтэн тугу гыныахпытын сөбүй?

Олус үчүгэй ыйытыы уонна ити боппуруоhу туруораргыт саамай сөптөөх. Бу оскуола бэйэтин оҕолоро эмиэ бу фондаҕа кыттан тугу гыныаххытын сөбүй? Холобура: улуускутугар – благоустройстваннан дьарыктаныаххытын сөп, онно анаан-минээн харчы көрүллүөҕэ, ону хамнас быһыытынан ылаҥҥыт онтон биэриэххитин сөп. Үксүтүгэр, сайыҥҥы  сынньалаҥ бириэмэҕэ үлэлиэххитин сөп. Детсадка игин улэлиэххэ наада, оннук буолбат дуо? Кыра оҕолору кытта, онно эмиэ төлөнүөн сөп, ол харчытынан кыттыаххытын сөп.  10-11 кылаас оҕолоро ханнык эрэ программаны оҥорууга араас проектнай улэлэргэ кыттан, услуганы элбэхтик оҥорорго үлэлиэ-толкуйдуо этигит, оччоҕо бэйэҕит да сайдыа этигит, дьоңңо да туhалыа этигит.

  • Төрөөбүт сиргэ, оскуолаҕа көмөлөһүххэ, сайыннарыахха наада диэн санааны эһиэхэ ким ииппитэй?

ИЙЭМ, төрөппүт ийэм. Ол иһин ийэм курдук саныыбын үөрэммит  оскуолабын, төрөөбүт сирбин. Эһиги эмиэ холобур ылаҥҥыт, ханна да төрөөбуккут иhин, ханна да улааппыккыт, үөрэммиккит иhин оскуолаҕытын куруук саныы сылдьын, куруук көмөлөһө сылдьын, сүбэ-ама биэрэ сылдьын. Туhалаах дьон буола улаатын.

    • Оҕолорго туох диэн баҕа санаа этиэххит этэй.

    Биллэн турар, бастакытынан, үөрэнии – бу хорсун быһыыны оҥорууну кытта тэҥнэhэр. Саамай главнайа, эһиги тулуурдаах, характердаах, күүстээх санаалаах буола үөрэнин . Уонна куруутун бэйэҕит күүскүтүгэр эрэнин, онно бэлэмнэниэххэ, элбэх билиини-көрүүнү ылыахха наада. Иккиhинэн, билигин учуонай да буол, оҕолор да буол, билиигит практически тэҥнэһэн турар, оннук дии? Информация бөҕөнү кинилэр да ылаллар,  эһиги да ылаҕыт, практически биир информацияны. Ол гынан баран, ону  табатык туhанын, онон бу ыраах хоту сиргэ олоробут диэн  толкуйтан таххыахха наада. Эһиги бары аан дойду оҕотун кытта биир систиэмэҕэ олороҕут, онон куруук толкуйдуохха наада, биһи кинилэртэн туох да итэҕэспит суох, таҥара биһигини биир материалтан айбыта. Онно сөп түбэһиннэрэҥҥит сайдыылаах дойдулар оҕолорун кытта бииргэ алтыһыахха наада, тылы билиэххэ наада. Дьэ, XXI олус улахан балысханнаах үйэ кэллэ. Бары өттүнэн урукку сайдыыбыт темпата да бытаан этэ уонна барыта биир көрүҥ этэ. Холобура, тыа хаһаайыстыбата, промышленность. Барыта биллэр-көстөр илии үлэтэ этэ, онтон билигин өй үлэтэ кэллэ. Урут физическай күүс наада буоллаҕына, билигин өй наада, онон өй үлэтин сайыннарыахха наада. Отой эт-хаан сайдыыта эмиэ булгуччу наадалаах, уhун үйэлээх буоларга спордунан дьарыктаныахха наада.

Биллэн турар, ытыктабылаах Михаил Ефимович бу эппит хоруйдара биhиги эрэ оскуолабыт оҕолоругар сыhыаннаах буолбатахтара чахчы. 

 

 

Комментировать